غزہ کے لیے انسانی امداد توقع سے انتہائی کم

رپورٹ کے مطابق عارضی پناہ گاہوں اور خیموں کو لے جانے والے ٹرکوں کی تعداد ضرورت سے کہیں کم ہے اور ابتک صرف 208 ٹرک ایسا سامان لے کر گئے ہیں۔ یہ اس حقیقت کے باوجود ہے کہ شمالی اور جنوبی غزہ میں کوئی موبائل گھر یا پہلے سے تیار شدہ ڈھانچے بھی نہیں بھیجے گئے ۔

رپورٹ میں کہا گیا ہے کہ جنگ بندی شروع ہونے کے بعد سے تقریباً 7,926 ٹرک انسانی امداد لے کر علاقے میں داخل ہوئے جن میں سے دو تہائی خوراک کے حامل تھے۔ اس کے علاوہ صرف 197 ٹرک ایندھن کے ہیں جو شہری دفاع کے اداروں، میونسپلٹی اور بجلی کی تقسیم کار کمپنیوں کو دستیاب نہیں ہیں۔

رپورٹ میں اس بات پر زور دیا گیا ہے کہ ملبہ ہٹانے اور شہداء کی لاشوں کو تلاش کرنے کے لیے کوئی بھاری مشینری علاقے میں داخل نہیں ہوئی۔ مزید برآں، تباہ شدہ گھروں کی مرمت اور تعمیر نو کے لیے تعمیراتی سامان کی فوری ضرورت کے باوجود، اس سلسلے میں کوئی کھیپ غزہ نہیں بھیجی گئی۔